മൂന്നാമത് രാജ്യാന്തര ഡോക്യുമെന്ററി ഹ്രസ്വചിത്രമേളയുടെ മൂന്നാം ദിവസമായ ഇന്ന് ഷോര്‍ട്ട് ഡോക്യുമെന്ററി, ഷോര്‍ട്ട് ഫിക്ഷന്‍, ലോങ് ഡോക്യുമെന്ററി എന്നീ മൂന്ന് വിഭാഗങ്ങളിലായി 22 ചിത്രങ്ങള്‍ മത്സരവിഭാഗത്തില്‍ പ്രദര്‍ശിപ്പിക്കും.
ഷോര്‍ട്ട് ഡോക്യുമെന്ററി വിഭാഗത്തില്‍ വേണുനായരുടെ ഫാമിംഗ് അവര്‍ ഫ്യുച്ചറും മോനി, ബെന്‍സി, ജോഷി, ജോസഫ് എന്നിവരുടെ മഹാശ്വേതാദേവി ക്ലോസ് അപ് എന്നീ രണ്ട് മലയാളം ചിത്രങ്ങള്‍ ഉള്‍പ്പെടെ 5 ചിത്രങ്ങള്‍ പ്രദര്‍ശിപ്പിക്കും.
ഷോര്‍ട്ട് ഫിക്ഷന്‍ വിഭാഗത്തില്‍ സന്തോഷ് മണ്ടൂരിന്റെ ലോസ്റ്റ് സ്‌പെയ്‌സ് സജീവ് പാഴൂരിന്റെ ഹൗ ടു യൂസ് എ ഗണ്‍ മനുവിന്റെ ഫ്രഞ്ച് വിപ്ലവം, ലിയോ തദേവൂസിന്റെ നുറുങ്ങുവെട്ടങ്ങള്‍, സംഗീത പത്മനാഭന്റെ ചാരുലതയുടെ ബാക്കി, ശ്രീബാല കെ മേനോന്റെ പന്തിഭോജനം തുടങ്ങി പതിനഞ്ചോളം ചിത്രങ്ങളും ലോങ് ഡോക്യുമെന്ററി വിഭാഗത്തില്‍ ഗോപീകൃഷ്ണന്റെ മെയ്തില്‍, വിനോദ് മങ്കരയുടെ എഴുതാത്ത കത്തുകള്‍ തുടങ്ങിയ ചിത്രങ്ങളും പ്രദര്‍ശിപ്പിക്കും.
No comments:
Post a Comment
Note: Only a member of this blog may post a comment.