പ്രകൃതിക്ക് മേല്‍ മനുഷ്യന്‍ അടിച്ചേല്‍പ്പിക്കുന്ന ക്രൂരതകളുടെ ഓര്‍മപ്പെടുത്തലുമായി പുറത്തിറങ്ങിയ ദി എന്‍ഡ് എന്ന ഹ്രസ്വചിത്രം ഇന്ന് പ്രദര്‍ശനത്തിനെത്തും. തിരുവനന്തപുരം പ്രസ്‌ക്ലബ് ഇന്‍സ്റ്റിറ്റിയൂട്ട് ഓഫ് ജേണലിസം വിദ്യാര്‍ഥി നവീന്‍ ടി എം ആണ് ക്യാമ്പസ് മത്സരവിഭാഗത്തില്‍ പ്രദര്‍ശിപ്പിക്കുന്ന ചിത്രത്തിന്റെ സംവിധാനം നിര്‍വഹിച്ചിരിക്കുന്നത്. രാവിലെ 11.30ന് ശ്രീ തീയേറ്ററിലാണ് പ്രദര്‍ശനം. കാലാവസ്ഥാ വ്യതിയാനത്തെ തുടര്‍ന്ന് ചുട്ടുപൊള്ളുന്ന ഭൂമിയില്‍ ജീവിക്കുന്ന താളംതെറ്റിയ മനുഷ്യജീവിതത്തിന്റെ കഥകൂടിയാണ് ചിത്രത്തില്‍ സംവിധായകന്‍ ആവിഷ്‌കരിക്കാന്‍ ശ്രമിക്കുന്നത്. പ്രകൃതിയോട് മനുഷ്യന്‍ കാണിക്കുന്ന ക്രൂരതകള്‍ വരുംതലമുറക്ക് ഭൂമിയെ അന്യമാക്കുമെന്ന സന്ദേശവും ചിത്രം പകര്‍ന്നു നല്‍കുന്നു.
“;
ReplyDelete